Ijtimoiy tarmoqlarda Navoiy viloyati Qiziltepa tumanidagi “To‘dako‘l” dam olish maskanida bo‘lib o‘tgan festivalda bir kishi halok bo‘lgani haqida xabar tarqaldi. Viloyat IIB holatga munosabat bildirdi.

Qayd etilishicha, 25-iyun kuni soat 15:45 larda Qiziltepa tuman tibbiyot birlashmasiga voyaga yetmagan N.D. (2006-yilda Navoiy shahrida tug‘ilgan) Qiziltepa tumanida joylashgan “To‘dako‘l” dam olish maskaniga dam olish uchun borib, to‘satdan vafot etgani to‘g‘risida ma’lumot kelib tushgan. Sud tibbiy ekspertiza xulosasiga ko‘ra, marhum to‘satdan o‘lim sindromi, o‘tkir yurak qon tomir nafas yetishmovchiligi oqibatida vafot etgan.

Holat yuzasidan surishtiruv harakatlarini tuman prokuraturasi olib bormoqda.

• Dam
• IIB
• Navoiy