Navoiy viloyati Nurota tumanida fuqaroning 40 mln so‘mini qo‘lga kiritmoqchi bo‘lgan tovlamachilar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish Departamentining matbuot xizmati xabar berdi.

Qayd etilishicha, Bosh prokuratura huzuridagi Departamentning Navoiy viloyat boshqarmasi tomonidan IIB xodimlari bilan hamkorlikda tezkor tadbir o‘tkazilgan. Ushbu jarayon davomida, fuqarolar D.M. va boshqalar fuqaro H.Q.ning sha’ni va qadr-qimmatiga putur yetkazadigan video va fotosuratlarini ijtimoiy tarmoqlarda tarqatish bilan qo‘rqitib, undan 40 mln so‘mni olgan vaqtlarida ashyoviy dalillar bilan ushlangan.

Mazkur holat yuzasidan Jinoyat kodeksining 25, 165-moddasi (tovlamachilik) bilan jinoyat ishi qo‘zg‘atilib, tergov harakatlari o‘tkazilmoqda.

• Departament
• Navoiy