Navoiy shahar Isteʼmolchilar huquqlarini himoya qilish jamiyatiga kelib tushgan murojaatlar ijobiy hal etildi.

Qayd etilishicha, 2021-yil 26-noyabr kuni Navoiy shahar Isteʼmolchilar huquqlarini himoya qilish jamiyatiga Navoiy shahri, Tolstoy koʻchasi 38-uy, 20-xonadonda yashovchi fuqaro Xamza Ergashovning Navoiy shahridagi “GULOBOD” savdo majmuasida joylashgan savdo doʻkonidan 5 mln. 032 ming soʻmga sotib olgan “Smartfon Samsung A72 6/128Gb” rusumli qoʻl telefoni nosoz chiqqanidan norozilik bildirib, ushbu masalada amaliy yordam soʻrab murojaat qilgan.

Fuqaro murojaati Navoiy shahar jamiyatining murojaatlar daftariga roʻyxatga olinib, jamiyati mutaxassislari tomonidan oʻrganib chiqilganda haqiqatdan ham qoʻl telefonida nosozliklar borligi kuzatilgan.

Shundan soʻng, savdo doʻkoni rahbariga isteʼmolchining isteʼmolchi sifatida huquqlari hamda Oʻzbekiston Respublikasining “Isteʼmolchilarning huquqlarini himoya qilish toʻgʻrisida”gi Qonunning tegishli moddalari yuzasidan tushunchalar berilgan

Natijada, isteʼmolchiga, nosoz chiqqan qoʻl telefoni yangisiga almashtirib berilishida amaliy yordam koʻrsatilgan.

Yana bir Navoiylik Isteʼmolchi 2021-yil 10-noyabr kuni Oʻzbekiston Isteʼmolchilar huquqlarini himoya qilish jamiyatlari Federatsiyasining 1091 ishonch raqamiga Navoiy shahar Barkamol avlod koʻchasi 3-uy,15-xonadonda yashovchi fuqaro Farhod Bekpoʻlatovning ogʻzaki murojaati qabul qilingan.

Fuqaro oʻz murojaatida Navoiy shahrida joylashgan savdo doʻkonidan 5 mln. 500 ming soʻmga muddatli toʻlov asosida sotib olgan televizor kafolat muddati ichida nosoz chiqqanidan norozilik bildirib ushbu masalada amaliy yordam soʻragan.

Fuqaro murojaati Navoiy shahar jamiyatining murojaatlar daftariga qayd qilinib, jamiyat mutaxassislari tomonidan oʻrganib chiqilganda haqiqatdan ham televizor nosoz holda ekanligi kuzatilgan.

Shundan soʻng, savdo doʻkoni sotuvchisiga isteʼmolchining isteʼmolchi sifatida huquqlari hamda Oʻzbekiston Respublikasining “Isteʼmolchilarning huquqlarini himoya qilish toʻgʻrisida”gi Qonunining tegishli moddalari yuzasidan tushunchalar berilgan.

Natijada, fuqaroga televizor uchun toʻlagan 5 mln. 500 ming soʻm pul mablagʻi qaytarilishida va muddatli toʻlov asosidagi kredit shartnomasi bekor qilinishida amaliy yordam koʻrsatilgan.

• Iste’molchi
• Navoiy