Ijtimoiy tarmoqda Navoiy viloyatining Xatirchi tumanidagi baʼzi hududlari 15 soat elektr energiyasidan uzilib qolgani aytilgan xabarlar tarqaldi. Holat yuzasidan “Hududiy elektr tarmoqlari” AJ rasmiy munosabat bildirdi.
Qayd etilishicha, Xatirchi tumani 35/10 “Shavot” podstansiyasidagi chiquvchi “Navro‘z” 10 kV.li tarmoqning “Do‘stlik” va “Tasmachi” qishloqlari oralig‘idagi tayanchlarning birida nosozlik yuzaga kelgan. Shu sababli yuqoridagi aholi yashash punktlari kuchlanishsiz qolgan. Bundan tashqari, 35/10 kV.li “Uchqara” podstansiyasidan chiquvchi “Mirdosh” 10 kV.li havo uzatish tarmog‘ida yuzaga kelgan nosozlik sabab favqulodda o‘chgan. Natijada “Oltinobod” hamda “Mirdosh” mahallalari kuchlanishsiz qolgan.
Yuqoridagi hududlarda tezkor brigadalar tomonidan ish tashkil etilib, nosozliklar to‘liq bartaraf etilib tarmoqlarga kuchlanish berilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!