Netanyaxu 1-iyun kuni o‘z bayonotida Isroil “XAMASning harbiy va boshqaruv salohiyati yo‘q qilinmaguncha” doimiy o‘t ochishni to‘xtatishga rozi bo‘lishi haqidagi har qanday fikr “muvaffaqiyatsizdir”, – deya aytgan. Bu haqda Reuters agentligi xabar berdi.

Bayden 31-may kuni Isroil o‘z qo‘shinlarini qisman olib chiqish va garovdagilarning ba’zilarini ozod qilish bilan 6 haftalik dastlabki sulhni o‘z ichiga olgan kelishuvni taklif qilganini, ikki tomon esa vositachilar ishtirokida “harbiy harakatlarni butunlay to‘xtatish” uchun muzokaralar olib borishini aytgan edi.

Biroq Netanyaxu ertasiga, 1-iyun kuni bu harakatlar mutlaqo “muvaffaqiyatsizligi” haqida o‘z nutqida aytib o‘tgan.

Shuningdek, Isroil Bosh vaziri Binyamin Netanyaxu XAMAS yo‘q qilinmaguncha Gʻazoda doimiy sulh bo‘lishi mumkin emasligini aytdi va bu bilan AQSh prezidenti Jo Bayden taklif qilgan va falastinliklar qo‘llab-quvvatlagan sulh rejasining muddati va mazmuni masalasini ko‘tardi.

AQShdan tashqari, Misr va Qatar davlatlari ham bir necha oy davomida urushni tugatish uchun vositachilik qidirayotganini aytmoqda. Ammo hali-hanuz Isroil va XAMAS o‘rtasidagi urush o‘z yakuniga yetgani yo‘q. XAMAS har qanday kelishuv ortidan Isroilning o‘t ochishni butunlay to‘xtatish bo‘yicha xatti-harakatlarini, jumladan, qo‘shinlarning butunlay olib chiqilishini istamoqda.

• AQSh
• Isroil
• Misr
• Qatar
• Urush