PSJ hujumchisi Neymar jarohati sabab joriy mavsum boshqa maydonga tusha olmaydi. Futbolchi jarohat sabab 3-4 oyni oʻtkazib yuboradi. Bu haqda Parij klubi rasmiy sayti xabar bermoqda.

“Soʻnggi yillarda Neymarning oʻng toʻpigʻida bir nechta muammolar bor edi.

Futbolchi 20-fevral kuni jarohat olganidan soʻng, jamoa tibbiyot xodimlari jarohatning qaytalanish xavfini oldini olish uchun toʻliq tiklanish boʻyicha jarrohlik amaliyotini tavsiya qilishgan. Barcha mutaxassislar ushbu yechim zarurligini tasdiqladilar.

Operatsiya yaqin kunlarda Dohada amalga oshiriladi. Futbolchining tiklanish davri taxminan 3-4 oyni tashkil etadi”, — deyiladi parijliklar matbuot xizmati xabarida.

Maʼlumot oʻrnida, Liga 1ʼning joriy mavsumida braziliyalik futbolchi PSJ tarkibida 20 ta uchrashuv oʻtkazib, 13 ta gol urib, 11 ta golli uzatma muallifiga aylangan edi.

• Futbol
• Jarohatlar
• Neymar