“2022-2026-yillarda xalq ta’limini rivojlantirish bo‘yicha milliy dasturni tasdiqlash to‘g‘risida”gi Prezident farmoni imzolandi.

Mazkur farmonga ko‘ra:

- Xalq ta’limi xodimlarini qayta tayyorlash va ularning malakasini oshirish hududiy markazlari negizida Pedagoglarni yangi metodikalarga o‘rgatish milliy markazlari;

- A.Avloniy nomidagi xalq ta’limi muammolarini o‘rganish va istiqbollarini belgilash ilmiy-tadqiqot instituti negizida Milliy-tadqiqot instituti;

- Nizomiy nomidagi Toshkent davlat pedagogika universiteti hamda uning huzuridagi ta’lim va ilmiy tashkilotlar Xalq ta’limi vazirligi tasarrufiga o‘tkaziladi.

Shuningdek, Toshkent davlat pedagogika universiteti pedagogika yo‘nalishi bo‘yicha o‘quv dasturlarni ishlab chiqishda yetakchi oliy ta’lim muassasasi etib belgilanadi.

Ma’lumot o‘rnida, 2022-yilda Xalq ta’limi vaziri jamg‘armasiga Davlat byudjetidan 300 milliard so‘m mablag‘ ajratiladi.

• Farmon
• Nizomiy
• Prezident
• Xalq ta'limi vazirligi