“Oxirgi imkoniyat berishingizni so‘rayman”, – deydi haydovchi. 

Ushbu voqea 29-may kuni soat 18:00 larda viloyatning Sayxunobod tumanida sodir bo‘lgan. Captiva haydovchisi tomonidan sodir etilgan holat Sirdaryo viloyati IIB mas’ul xodimlari tomonidan o‘rganilib, mazkur avtomashina haydovchisiga nisbatan Jinoyat kodeksining 277-moddasi (bezorilik) bilan jinoyat ishi qo‘zg‘atilib, tegishli tartibda qamoqqa olingan. Avtomashina jarima maydonchasiga joylashtirilgan.

Qayd etilishicha, ushbu shaxs muqaddam ham sudlangan. 

“Ikkinchi aylangan vaqtimda mashinamning burchagi bir bolaga tegib ketdi. Keyin shuncha voqea bo‘ldi, tavakkal dedim-da, stadion darvozasiga qarab haydadim. O‘sha orada mashinani toshbo‘ron qilishdi. Hammadan uzr so‘rayman. Tavba qildim. Oxirgi imkoniyat berishingizni so‘rayman”, – deydi haydovchi. 

Sudda da’vogarlar undan shikoyati yo‘qligini bildirgan. Lekin mashinasi old qismi bilan ikki nafar shaxsni turtib yuborib, voqea joyidan qochib ketgani sababli uni oqlab bo‘lmasligi ta’kidlangan. Shuningdek, unga nisbatan 4 yil 6 oy ozodlikdan mahrum qilish jazosi tayinlandi.

• Avtohalokat
• Haydovchi
• Sirdaryo