Shu yilning 30-iyulidan 24-avgustiga qadar Boku shahrida shaxmat boʻyicha Jahon kubogi oʻtkaziladi. Oʻzbekistonlik grossmeyster Nodirbek Abdusattorov ham ishtirok etadigan mazkur musobaqaning sovrin jamgʻarmasi 2,5 mln yevroni tashkil qiladi.

Ayni damga qadar ochiq toifadagi turnirda erkaklar boʻyicha 206 oʻrindan 146 nafar, ayollarda esa 103 oʻrindan 71 nafar shaxmatchining qatnashishi aniq boʻlib ulgurgan.

Jahon kubogida amerikalik Fabiano Karuana, fransuz Maksim Vashye-Lagrav, hindistonlik Gukesh Dommaraju, ozarbayjonlik Teymur Rajabov va Shaxriyar Mamedyarov kabi shaxmatchilar ham dona suradi.

Ushbu jahon kubogining eng yaxshi 3 nafar shaxmatchisi jahon toji uchun daʼvogarlar turnirida qatnashadi va oʻzaro yakuniy gʻolibni aniqlashadi.

• Jahon kubogi
• Nodirbek Abdusattorov
• Shaxmat