Hamyurtimiz Nodirbek Abdusattorov Champions Chess Tour-2023 turnirida Uesli So ustidan g‘alaba qozona olmadi. 1-setda yutgan Nodirbek, 2-setda 2,5:1,5 hisobida mag‘lub bo‘ldi.

Shundan so‘ng, 3-setga start berildi. Dastlabki 2 ta partiya durang bilan tugagach, Armageddon, ya’ni hal qiluvchi tay-brek o‘yiniga navbat keldi. Qora donalarda raqibidan 5,5 daqiqa kamroq vaqt bilan o‘ynagan Nodirbek yaxshi pozitsiyada edi, durang ham uni qanoatlantirardi. Ammo bittagina, atigi bittagina xato yurish natijasida ustunlikni berib qo‘ydi. Tajribali Uesli So bu imkonni qo‘ldan bermadi hamda g‘alaba qozonib, finalga chiqdi.

Ikkinchi yarim finalda Magnus Karlsen ortiqcha qiyinchiliksiz Fabiano Karuana ustidan g‘alaba qozondi.

Nodirbek hamda Fabiano turnirda 3-o‘rinni qo‘lga kiritdi va har biri 50 ming AQSh dollari miqdorida mukofot oladi.

• Nodirbek Abdusattorov
• Shaxmat