Norvegiyaning janubi-sharqida hujum sodir bo‘lgan, 4 kishi pichoqlangani aytilmoqda. Bu haqida mamlakat mahalliy politsiyasiga tayanib, “Reuters” axborot agentligi xabar bermoqda. 

Ma’lum qilinishicha, voqea Oslo yaqinida joylashgan Buskerud provinsiyasidagi Numedal qishlog‘ida sodir bo‘lgan. Xususan, jinoyatchi deb taxmin qilingan shaxs qo‘lga olingan. Ma’lumotlarga ko‘ra, uch kishi yaralangan, ulardan biri esa og‘ir holatda. 

TV2 telekanali guvohlarga tayanib xabar berishicha, hodisa mahalliy cherkov yonida joylashgan Joker do‘konida sodir bo‘lgan. Ta’kidlanishicha, voqea joyida ikkita tez yordam mashinasi va uchta vertolyot ishlamoqda. Hodisaning boshqa tafsilotlari hozircha oshkor etilmagan.

• Jahon
• Norvegiya