Nukus shahrida ikki nafar fuqaro nomaʼlum etiologiyali modda taʼsirida zaharlangan va ulardan biri vafot etgan. Bu haqda Nukus shahar hokimining baxtsiz hodisa oqibatlarini bartaraf etish to‘g‘risidagi qarorida aytiladi.

Maʼlum bo‘lishicha, hodisa 2023-yilning 29-dekabr kuni Nukus shahri 23-kichik tumanidagi xonadonlarning birida sodir bo‘lgan.

“Nukus shahrida sodir bo‘lgan baxtsiz hodisa sabablarini tekshirish va oqibatlarini bartaraf etish to‘g‘risida”gi qarorga ko‘ra, komissiya tuzildi.

Komissiya voqea joyiga chiqib, uning sabablarini o‘rganadi, mutaxassislarni jalb etib, ulardan yozma xulosalar oladi.

• Nukus
• Zaharlanish