Nur-Sultonda Shavkat Mirziyoyevni rasmiy kutib olish marosimi bo‘lib o‘tdi

Oqo‘rda qarorgohida O‘zbekiston Respublikasi Prezidentini rasmiy kutib olish marosimi bo‘ldi. 

So‘ng davlat rahbarlarining tor doiradagi muzokaralari bo‘lib o‘tgan.

Samimiyat va ishonch ruhida o‘tgan uchrashuvda yetakchilar ko‘p qirrali O‘zbekiston-Qozog‘iston sherikligiga doir keng ko‘lamli masalalarni, shu jumladan siyosiy, savdo-iqtisodiy, madaniy-gumanitar sohalardagi hamkorlikni ko‘rib chiqdilar, xalqaro va mintaqa kun tartibi yuzasidan fikr almashdilar.

Qozog‘iston Prezidenti davlatimiz rahbarini tashrifi bilan qutlab, Prezident saylovida ishonchli g‘alaba qozongani ta'kidlagan. Shuningdek, ushbu uchrashuvning muhim ahamiyatini alohida qayd etgan.

Bundan tashqari, Prezidentimiz taklif uchun minnatdorlik bildirib, ushbu uchrashuv Qozog‘iston mustaqilligining 30 yilligi arafasida o‘tayotganini alohida ta'kidlagan hamda O‘zbekiston xalqi nomidan birodar qozoq xalqini ushbu qutlug‘ sana bilan samimiy tilaklar bildirdirgan.

Ta'kidlash joizki, O‘zbekiston va Qozog‘iston BMT, MDH, SHHT, IHT, Turkiy tilli davlatlar tashkiloti va boshqa tuzilmalar doirasida ham faol hamkorlik qilmoqda.

• Mirziyoyev
• Prezident
• Qozog‘iston