31°
Kechasi 18°
U to‘rt nafar ayolga ish topib berishni va’da qilib, fohishalik bilan shug‘ullantirish maqsadida Istanbulga jo‘natmoqchi bo‘lgan.
Tezkor tadbir davomida IIBB xodimlari odam savdosi bilan shug‘ullanayotgan 42 yoshli ayolni qo‘lga olgan. Bu haqda IIBB matbuot xizmati xabar berdi.
Respublikamizda doimiy ravishda huquqni muhofaza qiluvchi organlar tomonidan odam savdosiga qarshi qat’iy chora-tadbirlar amalga oshirilib kelinmoqda. Xususan, Toshkent viloyati IIBB tezkor xodimlari tomonidan navbatdagi odam savdosi bilan bog‘liq holatga chek qo‘yildi.
O‘tkazilgan tezkor tadbir davomida Bo‘stonliq tumanida yashovchi 42 yoshli ayol 22-43 yosh orasidagi to‘rt nafar ayolni mo‘may daromad topadigan ish topib berishni va’da qilib, fohishalik bilan shug‘ullantirish maqsadida Toshkent-Istanbul aviareysi orqali Turkiya davlatiga jo‘natayotgan vaqtida viloyat IIBB tezkor xodimlari tomonidan ushlab qolindi.
Hozirda mazkur holat yuzasidan ushlangan shaxslarga nisbatan O‘zbekiston Respublikasi Jinoyat kodeksining 135-moddasi bilan jinoyat ishi qo‘zg‘atilib, tergov harakatlari olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
