Kelajakda odamlar telefonlardan foydalanmaydi, miya implantlari aloqa maqsadlarida qo‘llaniladi, dedi amerikalik biznesmen Ilon Mask. Bu haqda “Zakon.kz” xabar berdi.

X ijtimoiy tarmog‘ida foydalanuvchilardan biri yangi telefonni o‘z fikrlari kuchi bilan boshqarish imkonini beruvchi Neuralink interfeysini boshqa odamlar o‘rnatadimi, deb so‘radi. Ilon Mask ushbu postga izoh berib, kelajakda “telefonlar bo‘lmaydi, faqat Neuralink bo‘ladi”, deb ta’kidlagan.

Uning fikricha, kelajakda odamlarga mobil qurilmalar umuman kerak bo‘lmaydi.

Avvalroq, Ilon Maskning Neuralink kompaniyasidan miya implantatsiyasi o‘rnatilgan birinchi bemor shaxmatni fikr kuchi bilan o‘ynash qobiliyatini namoyish qilgan edi. Baxtsiz hodisadan so‘ng falaj bo‘lgan 29 yoshli Nolan Arbau noutbuk ekranida kursorni boshqarishi va shaxmat donalarini harakatga keltira olishini ko‘rsatdi.

Neuralink - Ilon Mask tomonidan asos solingan kompaniya bo‘lib, u implantatsiya qilinadigan miya-kompyuter interfeyslarini ishlab chiqish va ishlab chiqarishni rejalashtirmoqda.

• Ilon_Mask
• Telefon