Bahrayn poytaxti Manama shahri mezbonlik qilgan kattalar o‘rtasidagi jahon chempionati o‘z nihoyasiga yetdi. Anchayin murosasiz kechgan chempionat yakunlariga ko‘ra, O‘zbekiston terma jamoasi a’zolari 3 ta oltin, 1 ta kumush hamda 2 ta bronza, jami 6 ta medal jamg‘ardi. Erkaklar terma jamoasi esa ushbu natija orqali dunyoning 70 ga yaqin mamlakati ishtirok etgan jahon birinchiligida umumjamoa hisobida 3-o‘ringa ega chiqdi.

Manamadagi jahon chempionatida -89 kg vazn toifasida Sarvarbek Zafarjonov dast ko‘tarishda bronza medalni, -81 kg vazn toifasida Muhammadqodir Toshtemirov dast ko‘tarishda bronza va ikkikurash yakunlariga ko‘ra kumush medalni, -109 kg vazn toifasida Sharofiddin Amriddinov dast ko‘tarishda oltin hamda xuddi shu vazn toifasida Ruslan Nurudinov siltab ko‘tarishda va ikkikurashda oltin medalni qo‘lga kiritdi.

• Jahon chempionati
• Og‘ir atletika