Ohangaron tumanida fuqaroni 3 000 AQSh dollari evaziga ishga kiritib qo‘yishni va’da qilgan firibgarlar ushlandi. Bu haqida Bosh prokuratura huzuridagi Iqtisodiy jinoyatlarga qarshi kurashish departamentining matbuot xizmati ma’lum qildi. 

Departamentning Ohangaron tuman bo‘lim tomonidan DXXning Ohangaron shahar bo‘limi bilan tezkor tadbir o‘tkazilgan. 

Unda ma’lum bo‘lishicha, fuqaro J.K. va F.Z.lar fuqaro M.ning ishonchiga kirib, uni  tanishlari orqali 3 000 AQSh dollari evaziga “Olmaliq tog‘-kon metallurgiya kombinati” AJga ishga kiritib qo‘yishni va’da qilgan. Shundan 1 500 AQSh dollarini olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan. Shuningdek, tergov harakatlari o‘tkazilmoqda.

• Bosh prokuratura
• Firibgarlik
• Jinoyat
• Ohangaron