Oliy ta’lim muassasalarida qishki ta’tildan keyingi o‘qish onlayn shaklda bo‘lishi mumkinligi haqidagi xabarlar yuzasidan rasmiy ma’lumot berildi.

Oliy va o‘rta maxsus ta’lim vazirligi ta’kidiga ko‘ra, belgilangan tartib bo‘yicha koronavirus infeksiyasi bilan bog‘liq epidemiologik vaziyat yuzasidan Respublika maxsus komissiyasi qaror qabul qiladi hamda  barcha idora va tashkilotlar, shu jumladan, oliy ta’lim muassasalari ham mazkur qaror asosida ish yuritadi.

“Bu borada (talabalarning 24-yanvardan keyingi o‘qishi onlayn yoki oflayn boshlanishi masalasi, -tahr.) Respublika maxsus komissiyasi qaror qabul qilgan taqdirda vazirlik rasmiy manbalari orqali qo‘shimcha ma’lum qilinadi”, – deyiladi vazirlik munosabatida.

Vazirlik axborot xizmati rasmiy ma’lumot olishda fuqarolarning 1006 ishonch telefoni va 71-230-64-64 Call-markazi orqali o‘z murojaatlarini yo‘llashlari mumkinligini aytmoqda.

Eslatib o‘tamiz, avvalroq oliy va professional ta’lim muassasalari, akademik litsey talaba-o‘quvchilari uchun qishki ta’til muddati 2022-yil 24-yanvarga qadar uzaytirilgan edi.

• Talabalar
• Vazirlik