Joriy yilning 30-noyabr kuni tongida Qozog‘istonning Olmaota shahri Adi Sharipov ko‘chasida joylashgan Almaty Hostelda yong‘in yuz bergan.

Dastlabki maʼlumotlarga ko‘ra, asosan talabalardan iborat 72 kishi yashagan 457 kv.m. maydonga ega xostel yer to‘lasi koridoridan boshlangan yong‘in oqibatida 13 kishi halok bo‘lgan.

Halok bo‘lganlarning 2 nafari, yaʼni 2000-yilda tug‘ilgan N.A. va 2000-yilda tug‘ilgan S.K. O‘zbekiston fuqarolari hisoblanadi.

Ushbu holat yuzasidan jinoyat ishi qo‘zg‘atilgan.

Hozirgi vaqtda mazkur holat mamlakatimizning Olmaota shahridagi Bosh konsulxonasi va Tashqi mehnat migratsiyasi agentligi vakolatxonasi tomonidan nazoratga olingan hamda vafot etgan yurtdoshlarimizning jasadlarini O‘zbekistonga qaytarish choralari ko‘rilmoqda.

• Migratsiya
• Qozog‘iston
• Talabalar