Sut yoki sutli bo‘tqa toshib ketmasligi uchun idish ustidan yog‘och qoshiq qo‘yish mumkin.

So‘lib qolgan ko‘katlarni “jonlantirish” uchun ularni ozroq sirka kislotasi qo‘shilgan suvga solib qo‘yish kifoya.

Tuxum oqi avval sovutib olinsa va bir necha tomchi limon sharbati yoki limon kislotasi qo‘shilsa, tezroq ko‘piradi. Sarig‘i esa, aksincha, issiqlik va shakarni yaxshi ko‘radi.

Kartoshka bir-biriga yopishib qolmasligi va unda kraxmal kamroq bo‘lishi uchun, qovurishdan oldin uni sovuq suvda yuvib, quriting, shundan keyingina yog‘ga soling.

Kesish vaqtida qaynatilgan tuxumlar uvalanib ketmasligi uchun pichoqni sovuq suvda namlab oling.

Sabzavotli salatni yanada to‘yimli qilish uchun, unga ozroq qaynatilgan kartoshka qo‘shing. Oshpazlar kartoshkani issiqligida kesishni tavsiya etishadi.

Ovqat tayyorlash vaqtida piyozning yoqimsiz hidini bartaraf etish uchun qovurish jarayonida unga bir chimdim tuz seping va past haroratda qovuring.

• Foydali
• Lifestyle