Guliston shahrida davom etayotgan Navroʻz tantanalarida viloyat hokimi vazifasini bajaruvchi Akmaljon Maxmudaliyev viloyat ahlini ayyom bilan tabrikladi.

Shuningdek, futbol boʻyicha U-20 Osiyo Kubogi gʻolibi, chempionatning “Eng yaxshi futbolchisi” sirdaryolik Abbos Fayzullayevning ota-onasiga viloyat ahli nomidan “Umra” safariga yoʻllanma sovgʻa qildi.

Qayd etish mumkin, joriy yilning 1–18 mart kunlari yurtimiz maydonlarida boʻlib oʻtgan futbol boʻyicha U-20 Osiyo chempionatida Oʻzbekiston terma jamoasi gʻoliblikni qoʻlga kiritdi. Final bahsida Ravshan Haydarov shogirdlari Iroq terma jamoasini 1:0 hisobida magʻlub etdi.

Abbos Fayzullayev chempionatning “Eng yaxshi futbolchisi” deb topildi. Gʻoliblarga sovgʻa sifatida 33 ta “Gentra” avtomobillari topshirildi.

• Futbol
• Sirdaryo
• U-20
• Umra