OFK rasmiy sayti ortda qolgan mavsum Yevropada oʻzini koʻrsatgan osiyolik 6 nafar futbolchi haqida maqola chop etdi.

Eʼtiborlisi, ular orasida hamyurtimiz Eldor Shomurodov ham bor.

“Yevropada beshinchi mavsumini oʻtkazgan Eldor Shomurodov yil boʻyi muxlislar diqqat markazida boʻldi. 2020-yil Italiyaga koʻchib oʻtgan mohir hujumchi A seriyada harakat qilgan Ilyos Zeytullayevdan soʻng ikkinchi oʻzbekistonlik futbolchi boʻldi”.

“27 yoshli futbolchi garchi “Roma” safida kam maydonga tushgan boʻlsa-da, har holda mavsum mobaynida 39 ta uchrashuv oʻtkazib, 5 ta gol urdi va 6 ta golli uzatmaga mualliflik qildi. U UEFA musobaqasida gʻoliblikni qoʻlga kiritgan dastlabki oʻzbek futbolchisi boʻldi”, – deyiladi OFK rasmiy saytida.

Qayd etish mumkin, mazkur roʻyxatdan shuningdek, Daichi Kamada (Yaponiya – “Ayntraxt”), Son Xyong Min (Janubiy Koreya – “Tottenhem”), Mehdi Taremi (Eon – “Portu”) , Aydin Xrustich (Avstraliya – “Ayntraxt”) va Kyogo Furuxashi (Yaponiya – “Seltik”) kabi futbolchilar ham joy olgan.

• Eldor Shomurodov
• Futbol