Shu yil 29-sentyabr – 3-oktyabr kunlari Ispaniyaning Barselona shahri konkur boʻyicha Millatlar ligasining final bosqichiga mezbonlik qiladi.

Eslatib oʻtamiz, oʻzbekistonlik chavandozlar Millatlar ligasining YevroOsiyo mintaqasida oʻtgan saralash musobaqasining barcha bosqichlarida yetakchilik qilib, final bosqichiga yoʻl olishgan edi.

110-xalqaro konkur-shou musobaqasi doirasida 3 ta individual hamda 7 ta Millatlar ligasi musobaqalari boʻlib oʻtadi.

Toʻrt kun davomida “Real Club de Polo de Barcelona” arenasida jahonning 18 davlatidan kelgan eng mohir chavandozlar gʻoliblik uchun kurash olib boradilar.

Yakunda eng yaxshi natija qayd etgan jamoa 2024-yil Parijda boʻlib oʻtadigan yozgi Olimpiya oʻyinlari yoʻllanmasiga ega boʻladi.

Maʼlumot uchun, hozirgacha Fransiya, Shvetsiya, Niderlandiya, Buyuk Britaniya, Irlandiya va Germaniya terma jamoalari Fransiya poytaxtida oʻtkaziladigan Olimpiada oʻyinlarida ishtirok etish huquqiga ega boʻlishgan.

Qayd etish mumkin, Barselona shahri ketma-ket 9-marotaba ushbu turnir finalini oʻzida qabul qilgan holda tarixiy natija qayd etdi.

• Barselona
• Olimpiada
• Ot sporti
• O‘zbekiston