Toshkent viloyati Qibray tumanida yashovchi 23 yoshli Sh.D. (ayol) tuman IIBga ariza bilan murojaat qilib, 2021-yil 22-dekabr kuni soat 13:00larda ikki nafar noma’lum shaxslar, boshlariga “kepka” kiyib, yuzlariga tibbiy niqob taqib, o‘tkir tig‘li jism bilan qurollanib, uni yashayotgan uyiga devor oshib o‘tish orqali g‘ayriqonuniy ravishda kirib, unga hamda qo‘lida bo‘lgan voyaga yetmagan 7 oylik farzandi Z.M., ga nisbatan o‘tkir tig‘li jism bilan tahdid qilishib, shikast yetkazish bilan qo‘rqitib, xonadonida bo‘lgan pul va moddiy qimmatliklarni berishini talab qilib, jami bahosi 19 mln so‘mlik tilla buyumlar,110 AQSh dollari va 1,1 mln so‘m pullarni egallab, hodisa joyidan yashiringanliklarini ma’lum qilgan.

Mazkur holat yuzasidan noma’lum shaxslarga nisbatan Jinoyat kodeksining 164-moddasi 3-qismi “v” bandi (bosqinchilik) bilan jinoyat ishi qo‘zg‘atilgan.

Olib borilgan dastlabki tergov davomida, ushbu jinoyatni hech kim sodir etmaganligi, uni xonadon egasi Sh.D. reja asosida qasddan o‘zi uyushtirganligini, bunga sabab qilib, turmush o‘rtog‘i turmushi davomida unga befarq bo‘lib, e’tibor bermayotganligi oqibatida uni o‘ziga jalb qilish maqsadida mazkur holatni uyushtirganligi aniqlangan.

Mazkur jinoyat ishi Jinoyat kodeksining 164-moddasi 3-qismi “v” bandidan 237-moddasi 1-qismi (yolg‘on xabar berish)ga qayta malakalanib, shu kuning o‘zidayoq Sh.D. gumonlanuvchi tariqasida jinoyat ishiga jalb qilingan.

Hozirda tergov harakatlari olib borilmoqda.

• IIB
• Jinoyat
• Toshkent