Bir kun ichida Ozarbayjon Tog‘li Qorabog‘dagi operatsiyada maqsadlariga erishdi va o‘z suverenitetini tikladi. Bu haqda mamlakat prezidenti Ilhom Aliyev xalqqa murojaatida aytib o‘tdi.

"Mahalliy aksilterror tadbirlari boshlandi va bor-yoʻgʻi bir kun ichida barcha belgilangan vazifalar bajarildi. Kecha taxminan soat 13:00 larda boshlangan aksilterror tadbirlari natijasida. Ularning muvaffaqiyatli yakunlanishi Ozarbayjon suverenitetimizni tikladi", – degan davlat rahbari o‘z nutqida.

19-sentyabr kuni Tog‘li Qorabog‘da yana bir keskinlik boshlandi. Boku "mahalliy aksilterror choralari" boshlanganini e'lon qildi va arman harbiylarini mintaqadan olib chiqib ketishni talab qildi. Armaniston Qorabog‘da arman qurolli kuchlari yo‘qligini ta’kidlab, sodir bo‘layotgan voqealarni “keng ko‘lamli tajovuz” deb atadi.

• Armaniston
• Ilhom Aliyev
• Ozarbayjon
• Pashinyan