Davlat statistika qo‘mitasi ma’lumotlariga ko‘ra, O‘zbekiston 2022-yilning yanvar-noyabr oylarida 39 ta xorijiy davlatlardan qiymati 17 mln. AQSH dollariga teng bo‘lgan 3,9 mln. juft oyoq kiyimlarini import qilgan.

Oyoq kiyimlari importi hajmi 2021-yilning mos davri bilan solishtirilganda 39,2 ming juftga oshgan.

Qayd etilishicha, O‘zbekistonda eng xaridorgir poyabzallar Xitoy va Turkiya maxsulotlari hisoblanadi.

2022-yilning 11 oyida O‘zbekiston eng ko‘p oyoq kiyimlari import qilgan davlatlar:

Xitoy – 2,6 mln. juft;
Turkiya – 1,1 mln. juft;
Rossiya – 50,7 ming juft;
Vyetnam – 43,6 ming juft;
Indoneziya – 18,5 ming juft;
Italiya – 14,6 ming juft;
Chexiya – 7,6 ming juft;
Hindiston – 6,6 ming juft.

• Charm-poyabzal
• Import
• O‘zbekiston