O‘zbekistonda keramik plita, bazalt qoplama, qurilish oynasi va gazoblok kabi 161 turdagi mahsulotni ishlab chiqarish quvvatlari ichki talabni qoplash uchun yetarli. Shunga qaramay, mahsulot sifati va brend bilan bog‘liq kamchiliklar sabab yillik import hajmi 780 million dollarga yetmoqda. Bu haqda Prezident Shavkat Mirziyoyevning qurilish materiallari sanoatiga oid yig‘ilishida ma’lum qilindi.
Xususan, mamlakatda keramik plita ishlab chiqarish quvvati ichki talabdan uch baravar yuqori bo‘lsa-da, yirik o‘lchamli plitalar importiga har yili 25 million dollar sarflanmoqda.
Shuningdek, lok-bo‘yoq, gulqog‘oz va energiya tejamkor oyna kabi sakkiz turdagi tayyor mahsulot importi 280 million dollarni tashkil etmoqda.
Yig‘ilishda Turkiyaning “Betek” kompaniyasi bilan Toshkent viloyatining Zangiota tumanida 30 million dollarlik lok-bo‘yoq zavodi qurilishi boshlangani ma’lum qilindi.
Davlat rahbari hokimlarga iste’molchilar talabini va xalqaro brendlar imkoniyatlarini chuqur o‘rganish, mahsulot sifati hamda raqobatbardoshligini oshirishga qaratilgan yangi loyihalarni ilgari surish bo‘yicha topshiriq berdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!