O‘zbekiston kompaniyalari ilk bor qurilish materiallari sohasidagi “AQSh-O‘zbekiston” biznes — forumida 210 million dollarlik eksport shartnomasini tuzishdi.

Vashingtondagi tadbir Amerika bozoriga mahalliy qurilish materiallarini yetkazib berishni muhokama qilish uchun birinchi ixtisoslashgan platforma bo‘ldi. Forumda O‘zbekistonning eng yirik ishlab chiqaruvchilari ishtirok etdi.

AQShning yetakchi qurilish kompaniyalari, qurilish materiallari chakana sotuvchilari vakillari O‘zbekiston korxonalari mahsulotlari bilan tanishishga muvaffaq bo‘lishdi. 

Bundan tashqari, amerikalik investorlar O‘zbekiston hududida kaolin loyini qazib olish va qayta ishlash loyihasini moliyalashtirishga kelishib oldilar. Forum davomida tomonlar qo‘shma korxonalar tashkil etish va istiqbolli investitsiya loyihalarini muhokama qildilar.

• AQSh
• Eksport
• O‘zbekiston
• qurilish