21-25-avgust kunlari Oʻzbekiston Coca-cola kubogining 1/8 final bellashuvlari boʻlib oʻtadi. 1/4 final uchrashuvlari esa 2-3-sentyabr kunlarida oʻtkazilishi rejalashtirilgan.

1/4 final juftliklariga 25-avgust kuni boʻladigan qurʼada oydinlik kiritiladi. Shu kuni soat 19:00 da kubok doirasidagi AGMK — “Metallurg” oʻyini boʻlib oʻtadi.

“Sport” telekanali bilan kelishuv asosida mazkur bellashuvning tanaffusi vaqtida 1/4 finalga qurʼa tashlanadi va u jonli efirga uzatiladi.

2–3-sentyabr kungi bellashuvlar 17:00 hamda 20:00 da start olishi belgilangan. Juftliklar shakllangach, qaysi oʻyin qaysi vaqtda va kunda boʻlib oʻtishiga aniqlashtiriladi.

Maʼlumot uchun, Oʻzbekiston Coca-cola kubogining final uchrashuvi 30-oktyabr kuni Buxoroda boʻlib oʻtadi.

• Futbol
• O‘zbekiston