Para kanoe bo‘yicha erkaklar o‘rtasida KL3 klassida bahslar yakunlandi. Mazkur bahsda Hasan Qo‘ldashev 42.258 soniya natija bilan marraga birinchi bo‘lib yetib keldi va oltin medalni qo‘lga kiritdi.

Navbatdagi oltin medalni esa, para kanoe bo‘yicha ayollar o‘rtasida KL3 klassida o‘tkazilgan bahslarda hamyurtimiz Shahnoza Mirzayeva 50.680 soniya natija bilan marraga birinchi bo‘lib yetib keldi va delegatsiyamiz hisobiga navbatdagi oltin medalni qo‘shib qo‘ydi.

Shuningdek, Nozimaxon Qayumova para yengil atletikaning ayollar o‘rtasida F13 klassida nayza uloqtirish dasturida ishtirok etib, 43.36 metr natija bilan kumush medalni qo‘lga kiritdi.

Keyingi kumush medalga para yengil atletikaning ayollar o‘rtasida F56 klassida nayza uloqtirish dasturida ishtirok etgan hamyurtimiz Nataliya Semyonova 17.40 metr natija bilan sazavor boʻldi.

Haytmurod Sherqo‘ziyev para kanoe bo‘yicha erkaklar o‘rtasida VL3 klassida o‘tkazilgan bahslarda 49.345 soniya natija bilan marraga birinchi bo‘lib yetib keldi va delegatsiyamiz hisobiga navbatdagi oltin medalni yozdirib qo‘ydi.

Para yengil atletikaning F54 klassida ayollar o‘rtasida yadro uloqtirish dasturida ishtirok etgan Nurxon Qurbonova 7.34 metr natija bilan ikkinchi bo‘ldi va kumush medalni qo‘lga kiritdi.

Navbatdagi medalni para yengil atletikaning erkaklar o‘rtasida T36 klassida uzunlikka sakrash bahsida Izzat Turg‘unov 5.55 metr natija bilan kumush medalni qo‘lga kiritdi.

• Kumush
• Oltin
• Paralimpiya