Yevrokomissar Jozep Borrel Twitter'dagi sahifasi orqali tranzit yo‘lovchilarni Belarusga uchishini cheklovchi O‘zbekiston qo‘llayotgan tadbirlarni olqishladi.

U O‘zbekiston TIV rahbari Abdulaziz Kamilov bilan bo‘lib o‘tgan uchrashuvda Afg‘onistondagi vaziyat shuningdek, belaruslik muxojirlar mazusida fikr almashgan.

“Komilov bilan yana Afg‘onistondagi vaziyat va Belarusdagi muhojirlar bilan bog‘liq muammolarni muhokama qilish uchun uchrashganimizdan xursandman. Biz O‘zbekistonning ayrim tranzit yo‘lovchilar uchun Minskka reyslarni cheklash to‘g‘risidagi qarorini olqishlaymiz va mazkur odam savdosi bilan bog‘liq holatga tezkor munosabat bilirganini yuqori baholaymiz”, – deb yozib qoldirgan Jozep Borrel.

Eslatib o‘tamiz, Belarus prezidenti Lukashenko mamlakatning Polsha va Litva bilan chegara qismlarida migrasion krizis yaratishga urinishda ayblanmoqda.

Xorij OAVlariga ko‘ra, Lukashenko Suriya, Livan, Liviya va Yaman kabi davlatlardan qochoqlarni uyushtirilgan tarzda mamlakatga tashib keltirish va Yevropa ittifoqiga o‘tkazish tahdidi bilan o‘zi bilan muzokaraga kirishishga, o‘zini tan oldirishga bo‘lgan harakatlarini to‘xtatgani yo‘q.

• O‘zbekiston
• Uzbekistan airways
• Xorij
• Yevrokomissiya