Yengil avtomobil eksporti oʻtgan yilga nisbatan solishtirilganda 14 036 taga oshgan. Bu haqda Davlat statistika qoʻmitasi xabar bermoqda.

Qayd etilishicha, 2021-yilning yanvar-oktyabr oylarida Oʻzbekiston yengil avtomobil eksport qilgan asosiy davlatlar qatoridan Qozogʻiston (26 776 ta), Ukraina (568 ta), Rossiya (400 ta), Ozarbayjon (141 ta), Afgʻoniston (128 ta), Tojikiston (72 ta) hamda Qirgʻiziston (30 ta) mamlakatlari oʻrin olgan.

Shuningdek, keltirilishicha 2021-yilning yanvar-sentyabr oylarida Oʻzbekiston qiymati 242,5 mln. AQSh dollariga teng boʻlgan 25 171 ta yengil avtomobillar eksport qilgan, 9 oy ichida import koʻrsatkichlari esa 18 150 tani tashkil etgan.

Eslatib oʻtamiz, avvalroq Oʻzbekiston 10 oy mobaynida 12 mln. AQSh dollarlik elektromobil import qilgani haqida xabar berilgan edi.

• Avtomobil
• Eksport