O‘zbekiston 2021-yil yakuniga ko‘ra World Justice Project’ning Qonun ustuvorligi indeksida 85-o‘rinni egalladi. Bu haqida Telegram’dagi “Nigoh” kanali xabar berdi. 

Qayd etilishicha, O‘zbekistonda qonun ustuvorligi umumiy reytingi 4,1 foizga oshgan. Respublikada kuzatilayotgan ijobiy tendensiyalar qatorida hukumat vakolatlarining cheklanishi, korrupsiyaga qarshi kurash va davlat organlari faoliyatining ochiqligi qayd etilgan.

Ta’kidlanishicha, O‘zbekiston 2021-yilda ko‘rsatkichlarni yaxshilash bo‘yicha yetakchi bo‘lgan.

Mamlakat avvalgi yillardagi reytingda quyidagi pog‘onalarni egallagandi:

2018-yil – 91;
2019-yil – 92;
2020-yil – 94;
2021-yil – 85.

Ma’lumot o‘rnida, WJP indeksi 8 ta omil bo‘yicha aniqlanadi:

• hukumat vakolatlari cheklanganligi;
• korrupsiyaga qarshi kurash;
• ochiq boshqaruv;
• inson huquqlari;
• qonun va xavfsizlik;
• huquqni muhofaza qilish;
• fuqaroviy sud tizimi;
• jinoiy ish yuritish.

• Huquq
• O‘zbekiston
• reyting