Kecha, 12-dekabr kuni Tailand davlatida yakuniga yetgan boks bo‘yicha kattalar o‘rtasidagi Osiyo chempionatida O‘zbekiston terma jamoasi 11 ta oltin, 6 ta kumush, 3 ta bronza, jami 20 ta medal bilan umumjamoa hisobida birinchi o‘rinni egallagandi.

Ma’lum bo‘lishicha, erkaklar terma jamoamizning bitta oltin medali olib qo‘yilib, finalda yutqazgan qozoq bokschisi Ablayxay Jusupovga taqdim etilgan. -71 kg vazn toifasida Osiyo chempioni bo‘lgan hamyurtimiz Havasbek Asadullayev jang chog‘ida raqibining yelkasidan tishlab olgani uchun shunday qarorga kelingan.

Qozog‘iston boks federatsiyasi ushbu holat bo‘yicha Osiyo boks konfederatsiyasiga shikoyat xati kiritgan. Vaziyatni o‘rganib chiqqan tartib-intizom qo‘mitasi Asadullayevni diskvalifikatsiya qilib, uning oltin medalini Ablayxanga taqdim etgan.

• Boks
• Oltin
• Osiyo Chempionati
• Sport
• Tailand