2022-yilda umumiy quvvati 3 600 MVt bo‘lgan 10 ta quyosh va shamol elektr stansiyalarini qurish bo‘yicha bitimlar imzolanadi. Bu haqida Energetika vazirligi matbuot xizmati xabar berdi.

Ma’lum qilisnishicha, 2022-yilda Buxoro, Namangan, Xorazm, Qashqadaryo, Farg‘ona va boshqa viloyatlarda umumiy quvvati 1 900 MVt bo‘lgan 8 ta quyosh fotoelektr stansiyalari hamda Qoraqalpog‘istonda umumiy quvvati 1 700 MVt bo‘lgan 2 ta shamol elektr stansiyalarini qurish uchun loyiha bitimlari imzolanishi qayd etilgan.

Bundan tashqari, 2023-yilda Samarqand, Jizzax, Navoiy va Surxondaryo viloyatlarida umumiy quvvati 1 097 MVt bo‘lgan 4 ta quyosh fotoelektr stansiyalari va Qoraqalpog‘iston Respublikasi, Buxoro va Navoiy viloyatlarida umumiy quvvati 1 600 MVt bo‘lgan 4 ta shamol elektr stansiyalari “yashil” energiya ishlab chiqarishni boshlashi rejalashtirilgan.

Ta'kidlash joizki, O‘zbekistonda 2021-yilning avgust oyida Navoiy viloyatining Karmana tumanida birinchi 100 MVt quvvatli quyosh fotoelektr stansiyasi ishga tushirilgan edi.
 

• Buxoro
• Energetika_vazirligi
• Namangan
• Xorazm