31°
Kechasi 18°
Yangilangan “O‘zbekiston – 2030” strategiyasi loyihasida keltirilishicha, O‘zbekistondagi uchta bankda 2030-yilga borib islomiy moliya xizmatlari paydo bo‘lishi maqsad qilingan.
Shunga asosan O‘zbekistonda islomiy moliyaning huquqiy asoslarini yaratish hamda kamida 3 ta tijorat bankida islomiy moliya xizmatini yo‘lga qo‘yish rejalashtirilmoqda.
Dastlab 2027-yilda mamlakatdagi bitta bankda islomiy mahsulotlar joriy etiladi, 2029 – 2030-yillarda esa ularning soni uchtaga yetkaziladi. Ushbu tashabbuslar tijorat banklari mablag‘lari hisobidan amalga oshiriladi. Buning uchun Markaziy bank mas’ul etib belgilangan.
Markaziy bank raisi o‘rinbosari Abrorxo‘ja Turdaliyev intervyularidan birida Markaziy bank 2030-yilgacha O‘zbekistonda 10 ta islomiy bank paydo bo‘lishini kutayotganini ma’lum qilgandi.
2025-yilning noyabrida O‘zbekistonda islomiy bank faoliyatini bosqichma-bosqich joriy qilishga qaratilgan qonun loyihasi qabul qilindi. Mamlakatda islom moliyasi joriy etilishi natijasida qariyb 10 milliard dollarlik investitsiyalar jalb qilinishi, 100 mingdan ortiq yangi ish o‘rinlari yaratilishi mumkin.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
