31°
Kechasi 18°
Ufadagi Boshqirdiston davlat tibbiyot universiteti yotoqxonasida uyushtirilgan pichoqli hujum oqibatida to‘rt nafar talaba jarohatlandi.
Universitet rektori Valentin Pavlovning so‘zlariga ko‘ra, talabalar sayrdan so‘ng yotoqxonaga qaytayotganida ularga 15 yoshli o‘smir pichoq bilan hujum qilgan.
Rossiya sog‘liqni saqlash vazirining yordamchisi Aleksey Kuznetsovning ma’lumot berishicha, to‘rt nafar talaba shifoxonaga yotqizilgan, ulardan birining ahvoli og‘ir.
O‘smir talabalardan tashqari ikki nafar politsiyachiga ham jarohat yetkazgan. O‘smirni qo‘lga olish chog‘ida u o‘zini ham pichoq bilan jarohatlagan va og‘ir ahvolda shifoxonaga yotqizilgan.
O‘smir hujum vaqtida millatchilik ruhidagi shiorlarni aytib, baqirgan. U, shuningdek, devorga qon bilan svastika (natsizm belgisi) chizgan.
Ma’lumotlarga ko‘ra, hodisa yuz bergan yotoqxonada asosan xorijdan — Hindiston va Afrikadan kelgan talabalar yashaydi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
