Myunxen xavfsizlik konferensiyasida jurnalistlar Ilhom Aliyevdan Vladimir Putin bilan Rossiyaning Ukrainaga hujumlari, jumladan Ozarbayjon kompaniyalariga tegishli energetika obyektlariga zarba berilgani masalasini ko‘targani yoki yo‘qligini so‘radi, ammo prezident bunga aniq javob bermadi.

Bundan tashqari, Ilhom Aliyev Kiyevdagi Ozarbayjon elchixonasiga uchta hujum bo‘lganini ta’kidladi.

“Birinchi hujumdan so‘ng biz buni tasodif deb taxmin qilishimiz mumkin edi. Biz Rossiyaga Ozarbayjonning Ukrainadagi barcha diplomatik vakolatxonalari, jumladan konsullik bo‘limi, madaniyat markazlari va elchixonaning aniq koordinatalarini taqdim etdik. Shunga qaramay, yana ikki hujum sodir bo‘ldi. Demak, bu Ozarbayjonning diplomatik vakolatxonasiga qasddan qilingan hujum edi”, — deydi Ozarbayjon rahbari.

• Elchixona
• Ilhom Aliyev
• Ozarbayjon
• Rossiya
• Ukraina
• hujum