O‘zbekiston qishloq xo‘jaligi korxonalari tomonidan 2024-yilda 8,8 million tonnadan ortiq g‘alla yetishtirilib, yillik o‘sish 4,8 foizni tashkil etdi. Bu haqda Statistika agentligi xabar berdi.

Shundan 7 million tonnasi fermerlar, 733,6 ming tonnasi dehqonlar, 1 million tonnasi qishloq xo‘jaligi korxonalari tomonidan yetishtirildi.

Hududlar orasida g‘alla yetishtirish bo‘yicha Farg‘ona viloyati yetakchi bo‘ldi – 998,5 ming tonna. Keyingi o‘rinlarda Samarqand va Qashqadaryo viloyatlari – mos ravishda 903,3 ming va 893,5 ming tonna.

Eng kam ishlab chiqarish hajmi Sirdaryo viloyatida – 578,4 ming tonna, Qoraqalpog‘istonda – 345,5 ming tonna, Navoiy viloyatida – 266,2 ming tonna bo‘ldi.

• O‘zbekiston
• qishloq_xo‘jaligi