Vazirlar Mahkamasining “Maishiy texnika mahsulotlarini majburiy raqamli markirovkalash tizimini joriy etish to‘g‘risida”gi qarori qabul qilindi.

Hukumatning mazkur hujjati bilan Moliya vazirligi va Davlat soliq qo‘mitasining maishiy texnika mahsulotlarini guruhlarga bo‘linishini nazarda tutgan holda identifikatsiya vositalari orqali majburiy raqamli markirovkalash tizimini joriy qilish to‘g‘risidagi takliqhfiga rozilik berilgan.

Unga ko‘ra, majburiy raqamli markirovkalashni boshlash muddatlari va mahsulotlar turlari guruhlar bo‘yicha quyidagicha bo‘linadi:

– birinchi guruh – changyutgich, kir yuvish mashinasi, sovitkich va muzlatkich, televizor va monitor – 2022-yil 15-apreldan boshlab;

– ikkinchi guruh – maishiy gaz plitasi, oshxona dudburoni, duxovka va pechka, mikroto‘lqinli pech, dazmol va suv isitkich – 2022-yil 1-avgustdan boshlab;

– uchinchi guruh – suv isitish qozonlari, konditsionerlar, o‘rnatilgan elektr motorlimaishiy texnika (sharbat chiqargich, blender, mikser, kofe maydalagich, go‘sht maydalagich), barcha turdagi lampalar – 2022-yil 1-noyabrdan boshlab.

Eslatib o‘tamiz, raqamli yorliqlanishi majburiy bo‘lgan tovarlarning chakana yoki ulgurji savdosi bilan shug‘ullanuvchi korxonalar CRPT TURON kompaniyasi operatorligidagi “Asl belgisi” mahsulotlarni markalash va nazorat qilish monitoringi milliy axborot tizimiga ulanishi shart. 

• Maishiy texnika
• Markirovka
• Yangilik
• xabar