Haydovchilar diqqatiga: Kichik halqa yo‘lida (KHAY) ta’mirlash ishlarining uchinchi bosqichi boshlanmoqda.

Hurmatli poytaxtimiz aholisi va mehmonlari!

Biz poytaxt yo‘llarini yanada ravon, sifatli va xavfsiz qilish yo‘lidagi ishlarimizni davom ettiramiz. Chilonzor tumanidagi yo‘l qoplamasini ta’mirlashning navbatdagi bosqichi boshlanishini ma’lum qilamiz.

Kichik halqa avtomobil yo‘lining bir tomonida — Lutfiy ko‘chasi bilan kesishmadan Farhod ko‘chasi chorrahasigacha bo‘lgan masofada harakatlanish vaqtincha cheklanadi.

Cheklov muddati:

2026-yil 3-aprel soat 23:00 dan 6-aprel soat 06:00 gacha.

Ishlar davomida 23 va 131-sonli avtobus yo‘nalishlari harakatiga o‘zgartirishlar kiritiladi. Iltimos, rasmda keltirilgan aylanib o‘tish chizmasi bilan tanishib chiqing.

Tez orada Kichik halqa yo‘lining ushbu qismi yuqori darajada ravon bo‘ladi! Biz dam olish kunlaridagi sokinlikdan unumli foydalanib, dushanba tongida sizni ravon va sifatli yo‘l bilan kutib olishni maqsad qilganmiz.

“Keltirilgan vaqtinchalik noqulayliklar uchun uzr so‘raymiz va tushunganingiz uchun minnatdorchilik bildiramiz”, – deyiladi xabarda.

• Avtotransport
• ta’mirlash