O‘zbekiston mezbonlik qiladigan futzal bo‘yicha Jahon chempionatining rasmiy timsoli Xon ismli Turon yo‘lbarsi bo‘ladi. Bu haqda Xalqaro futbol federatsiyasi (FIFA) o‘z rasmiy saytida xabar berdi.

FIFAning qayd etishicha, Xon haqiqatan ham futzalning o‘ziga xos xususiyatlari, jumladan, tezligi va jozibali tabiati hamda O‘zbekistonning mahalliy va mintaqaviy merosini ifodalaydi.

“Maftunkor yo‘lbars ham futzal musobaqasi ruhini ifodalab, qayerdan bo‘lishingizdan va kim bo‘lishingizdan qat’i nazar, futzal maydonida va jamiyatda o‘z o‘rningiz borligini barchaga eslatib turadi.

Xon tanlovidan futzalchilar Turon yo‘lbarslarining yashirinish, yo‘q joydan paydo bo‘lish qobiliyatidan ilhom oladi”, – deyiladi federatsiya xabarida.

Eslatib o‘tamiz, 14-sentyabrdan 6-oktyabrgacha O‘zbekistonning uch shahri – Toshkent, Buxoro va Andijon futzal bo‘yicha 2024-yilgi FIFA jahon chempionatiga mezbonlik qiladi.

• FIFA
• Futzal