Oʻzbekistonda qishki transfer oynasi ochildi va u 2022-yilning 26-fevral sanasiga qadar davom etadi. Bu haqda OʻzPFL maʼlum qildi.
“2022-yilgi mavsumda Oʻzbekiston Professional futbol ligasi tomonidan oʻtkaziladigan musobaqalar reglamenti”da transfer oynasi davomida Superliga futbol klublari faqatgina 10 nafar yangi futbolchini roʻyxatdan oʻtkazishlari mumkinligi belgilab qoʻyilgan va klublar bu haqda ikki oy muqaddam rasman ogohlantirilgan. Bu koʻrsatkich Superliga yoʻllanmasini qoʻlga kiritgan uch klubda 15 tani tashkil qiladi.
6-dekabrga qadar futbol klublarida istalgan miqdorda yangi futbolchilar bilan tuzilgan shartnomalarni roʻyxatdan oʻtkazish imkoniyati mavjud edi. Bu imkoniyatdan faqatgina “Navbahor” va “Metallurg” futbol klublari foydalandi. Tez orada bu haqda maʼlum qilinadi.
Limitdan tashqari holatda futbol klublari 2021-yilgi mavsumda jamoa sharafini himoya qilgan ayrim futbolchilar bilan shartnomalarni uzaytirishlari yoki oʻzlarining U-18 jamoalaridan cheklanmagan miqdorda yosh iqtidorlarni asosiy jamoaga taklif etishlari mumkin boʻladi. Shuningdek, 2000-yil va undan keyin tugʻilgan futbolchilar bilan yangi shartnomalar ham limitdan tashqari roʻyxatdan oʻtkaziladi”, — deyiladi xabarda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!