Urush qatnashchilari va ularga tenglashtirilganlar yilda bir marta 50 foiz chegirma bilan yurish huquqiga ega.
O‘zbekistonda bir qator fuqarolarga temir yo‘llardan yilda bir marta bepul foydalanish huquqi taqdim etiladi. Bu haqida Adliya vazirligining Huquqiy axborot kanali xabar berdi.

Ma’lum qilinishicha, temir yo‘llarda yiliga bir marta bepul yurish huquqi (borish va kelishga) bir qator fuqarolarga taqdim qilingan. Bular qatoriga Sovet Ittifoqi Qahramonlari va Shon-shuhrat ordenining uchta darajasi bilan taqdirlangan shaxslar kiradi.

Shuningdek, yarador bo‘lgan harbiy xizmatchilar, ishchilar va xizmatchilardan 1 va 2-guruh urush nogironlari va ularga tenglashtirilgan shaxslar ham temir yo‘llardan bepul foydalanishi mumkin. Bundan tashqari, Chernobil AESdagi avariyani bartaraf etuvchilari-nogironlariga ham imtiyoz taqdim etiladi.

Shu bilan birga, 3-guruh urush nogironlari, urush qatnashchilari va ularga tenglashtirilgan shaxslar temir yo‘llarda chiptaning ellik foiz chegirmalari bilan yiliga bir marta yurish huquqiga ega.

• Adliya
• Huquq
• Temiryo‘l