Milliy gvardiya qo‘mondonligi tashabbusi bilan O‘zbekistonda ot sport turlaridan biri bo‘lgan “Tentpegging” sport turini rivojlantirish, aholini ayniqsa yoshlarni va harbiy xizmatchilarni ushbu sportga keng jalb qilish maqsadida O‘zbekiston "Tentpegging" federatsiyasi faoliyati yo‘lga qo‘yildi.

O‘zbekiston “Tentpegging” federasiyasi raisi Milliy gvardiya ot sporti bo‘yicha respublika oliy sport mahorati maktabi direktori N.Ibragimov, federatsiya raisi o‘rinbosari lavozimiga esa Yoshlar o‘rtasida harbiy-vatanparvarlik va sport ishlarini tashkillashtirish boshqarmasi boshlig‘i Q.Azizovlar tayinlandilar.

Milliy gvardiya qo‘mondoni R.Jurayev tomonidan mamlakatda “Tentpegging” sport turini keng targ‘ib qilish va rivojlantirish, ushbu sport turi bo‘yicha respublika bo‘ylab nufuzli musobaqalarni tashkil etish, shuningdek, Jahon va Osiyo mamlakatlari o‘rtasida o‘tkaziladigan musobaqalarda yuqori natijalarni qo‘lga kiritish Milliy meros namunasi bo‘lgan “Qorabayir” zotli otlarni ushbu sport orqali dunyoga tanitish yuzasidan  aniq vazifalar belgilab berildi.

Ushbu sport turi Osiyo va Yevropa davlatlarida juda ommabop bo‘lib, ayniqsa harbiy xizmatchilarning jismoniy va jangovar tayyorgarligini mustahkamlashda muhim ahamiyat kasb etadi.

• O‘zbekiston
• Sport
• Tentpegging
• xabar