O‘zbekiston Respublikasi Davlat statistika qo‘mitasining xabar berishicha, 2022-yil 1-yanvar holatiga O‘zbekistonda 1 kv. kilometr maydonga o‘rtacha 77 nafar aholi to‘g‘ri kelmoqda.

Qo‘mita taqdim etgan axborotga ko‘ra, O‘zbekistondagi aholi eng zich joylashgan hududlar Toshkent shahri, Andijon va Farg‘ona viloyatilari ekanligi ma’lum bo‘ldi. Poytaxt Toshkent shahrida 1 kv. kilometr maydonga 7554,4 kishi to‘g‘ri kelsa, Andijon va Farg‘onada bu raqamlar 741,4 va 565,1 nafarni tashkil etmoqda.

Qolgan hududlarda 1 kv. kilometrga to‘g‘ri keladigan aholi soni quyidagicha:

Namangan – 385,4 nafar;

Xorazm – 312,9 nafar;

Samarqand – 235,4 nafar;

Sirdaryo – 201,1 nafar;

Toshkent – 195,1 nafar;

Surxondaryo – 133,4 nafar;

Qashqadaryo – 116,7 nafar;

Jizzax – 66,5 nafar;

Buxoro – 48,4 nafar;

Qoraqalpog‘iston R. – 11,5 nafar;

Navoiy – 9,1 nafar.

• Namangan
• Samarqand
• Xorazm
• statistika