Ma’lumotlarga ko‘ra, Oʻzbekiston jalolobodlik aholi uchun yordam yubordi. Bu haqda “Kun.uz” maʼlum qildi.

Qirgʻizistonning Jalolobod viloyatida elektr energiyasi bilan bogʻliq muammolar yuzaga kelgan. Hududda elektr energiyasi taʼminotida uzilishlar kuzatilmoqda.

Manbaga koʻra, 3-fevral kuni Andijondan Qirgʻizistonga 20 tonna suyultirilgan gaz mahsuloti (1000 dona ballon) yetkazib berilgan.

“Hududgaztaʼminot” AJ Andijon viloyati filiali boshligʻi oʻrinbosari va boshqa vakillar Xonobod chegara posti orqali gaz mahsulotini Jalolobod viloyati elektr tarmoqlari korxonasiga 9 ta avtomashinada olib borishgan. Ularni chegarada Jalolobod viloyat elektr taʼminoti korxonasi boshligʻi oʻrinbosari Damir Tuxtagulov kutib olgan.

• Gumanitar yordam
• Hududgazta'minot
• Qirg‘iziston