Oʻzbekistonga “Marburg” virusining kirib kelishini oldini olish uchun zaruriy choralar koʻriladi. Kasallikning Oʻzbekistonda tabiiy oʻchoqlari qayd etilmagan boʻlsa-da uning xorij davlatlari orqali kirib kelish xavfi yoʻq emas.

Kasallik chetdan kirib kelishining oldini olish maqsadida Respublikaga tashrif buyurgan shaxslar sanitariya-karantin punktlarida zamonaviy teplovizorlar va kontaktsiz termometr (pirometr) lar yordamida tekshirilmoqda.

Sanitariya-epidemiologiya xizmatining maxsus laboratoriyalari hamda kasallikka chalingan (gumon qilingan) bemorlarni oʻz vaqtida nazorat ostiga olish, davolash maqsadida yuqumli kasalliklar shifoxonalari shay holatga keltirilgan boʻlib, mutaxassislar muntazam ravishda qayta tayyorgarlikdan oʻtkazilib kelinyapti.

Gemorragik isitma kasalligiga chalingan bemorlarni davolash ishlarini tashkil etish uchun zaruriy dori vositalari zaxirasi yaratilgan. Sanitariya-epidemiologiya xizmati aholidan oʻz salomatligiga beeʼtibor boʻlmaslikni soʻragan.

• pandemiya
• salomatlik