Shu kunlarda Bolgariya poytaxti Sofiya shahrida badiiy gimnastika bo‘yicha davom etmoqda.

Ahamiyatli jihati, shiddatli raqobat ostida kechgan bahslarda murabbiylar Liliya Vlasova hamda Yelena Aslanova shogirdi mashqni benuqson bajarishi natijasida kuchli sakkizlikka kirdi.

Taxmina jahon chempionatining shaxsiy birinchiligida lenta va bulava bilan ishtirok etdi va aynan bulavadagi mashqi samarqandlik qizimizni finalga olib chiqdi. Bunday natijaga o‘zbekistonlik gimnastikachi qizlardan faqat Ulyana Trofimova muvaffaq bo‘lgan edi va bu tarixiy natijaga ham 10 yildan oshib ketdi.

Shunday qilib, Taxmina musobaqaning final bosqichida medallar uchun kurash olib boradi. Bunday darajadagi musobaqalarda sayyoramizning eng kuchli gimnastikachilari medallar uchun raqobat olib borishadi. Saralash bosqichida T.Ikromova 5-o‘rinni band etdi va medallar uchun kurashda yaxshigina imkoniyatga ega bo‘lib turibdi.

Hamyurtimizdan yaxshiroq natijani bolgariyalik Stiliana Nikolova, Slovakiya vakilasi Yekaterina Vedeneeva, Annaliza Dragan (Ruminiya) hamda Darya Varfolomeeva (Germaniya) qayd etgan.

Yana bir gimnastikachi qizimiz, jahon chempionatida ilk marotaba ishtirok etayotgan Yosmina Rahimova lenta yordamida bajarilgan mashqlarda finalga chiqa olmagan bo‘lsa-da, zaxiradan joy oldi. Demak, baxtli tasodif unga ham katta imkoniyat ochishi mumkin.

• Badiiy gimnastika
• O‘zbekiston