O‘zbekiston-Germaniya o‘rtasidagi savdo-iqtisodiy aloqalarni mustahkamlash, o‘zaro tovar aylanmasini oshirish hamda Yevropa kompaniyalari bilan hamkorlikni yo‘lga qo‘yish maqsadida 2022-yil 20-24-iyun kunlari Germaniyaning Dyusseldorf shahrida bo‘lib o‘tadigan Yevropaning eng nufuzli “Wire and Tube Fair 2022” xalqaro ko‘rgazmasida O‘zbekistonning elektrotexnika sanoati 10 ga yaqin korxonalari ilk marotaba markazlashgan ko‘rgazma stendi bilan ishtirok etadi.
Ushbu ko‘rgazma kabel sim yo‘nalishida nafaqat Yevropadagi balki dunyodagi eng nufuzli ko‘rgzama hisoblanib, 1986 yildan beri tashkil etib kelinmoqda. Joriy yilda ko‘rgazmaga 1800 dan ortiq kompaniyalar ishtiroki kutilmoqda.
Ko‘rgazma doirasida nafaqat ishtirok etish, balki Germaniyaning nufuzli kompaniyalari bilan investitsiya va eksport imkoniyatlarini kengaytirish maqsadida bir qator sessiyalar va B2B uchrashuvlar o‘tkazish ham ko‘zda tutilgan. Bu bilan Yevropaning qator kompaniyalarini O‘zbekistonga kengroq jalb etish va ushbu mamlakatga eksport shartnomalarini ko‘paytirish bo‘yicha aniq takliflar ishlab chiqiladi.
Takidlanishicha, 2021-yilda “GSP+” tizimi doirasida 6 ming 200 turdagi mahsulotlarni Yevropa Ittifoqiga bojsiz eksport qilish imkoniyati yaratildi. Bu, o‘z navbatida, elektrotexnika sanoati korxonalarining Yevropa bozorlariga ham hech qanday to‘siqlarsiz, erkin kirib borishini kafolatlaydi. Mazkur ko‘rgazmaning O‘zbekiston elektrotexnika sanoati korxonalari uchun Yevropa bozorlariga kirish imkoniyatini berishi kutilmoqda.
Maʼlumot uchun, Yevropa kabel bozorining yillik hajmi 55 mlrd dollar (2021-yil) bo‘lib, jahon kabel bozorining 38 foizini tashkil etadi.
Eslatib o‘tamiz, Prezident Shavkat Mirziyoyev 13-iyun kuni standartlashtirish va sertifikatlashtirish sohasidagi samaradorlikni oshirish masalalariga bag‘ishlab o‘tkazilgan yig‘ilishida yil yakunigacha sanoat sohalari 27 ta xalqaro ko‘rgazmalarda ishtirok etib, Yevropa bozorlariga kirib borishlarini taʼminlash yuzasidan tegishli ko‘rsatma va topshiriqlar bergan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!